Madasha Baraarug ayaa waxa ay bandhig-buugeed ku qabatay Beerta Nabadda ee magaalada Muqdisho, 22-23 dii bishii 11 aad ee sannadka 2018.

Bandhiggan oo si wanaagsan loo soo qabanqaabiyey ayaa waxaa ka qeyb galay qoreyaal iyo aqoonyahanno kala duwan. Waxaa halkaas lagu soo bandhigay buug aad u farabadan oo ka hadlaysay mawduucyo kala duwan.

Waxaa bandhiggaas ka soo qeybgalay qeybaha kala duwan ee bulshada magaalada Muqdisho.

Golaha qoreyaasha Soomaaliyeed ee Maskaxshiil, ayaa waxa ay ka qaateen bandhiggaasi kaalin libaax, iyaga oo dhammaan buugtii ay soo saareen qoreyaasha goluhu, la geeyey goobtaas.

Qeybta buugta goluhu taallay ayaa aad loogu soo xoomay, iyada oo bulshadii halkaas timid ay halkaas ka heshay buug badan oo ay baahi u qabeen.

Golaha qoreyaasha Maskaxshiil, ayaa qeybgala dhammaan bandhigyada waddaka Soomaaliya ka dhaca, iyaga oo geeya buugaag cusub oo kala duwan oo tayo sare leh iyo qoraayo cusub uu soo saaro galuhu.

Xafiiska dhexe ee golaha Maskaxshiil,
info@maskaxshiil.so
www.maskaxshiil.so 
0619171795